Хрыстос ся рождає! Славіме Його! На добрыден, ци сте здравы, дорогы моі? Як одсьваткували сте різдвяны сьвата? Колядуєте? А ми так. І сами , і нам. Мали приємнист прыніматы в музейови колядників. Колядом і вінчуваньом традицийно нас витали учасникы хору «Яворына» (кер. Ростислав Пристай) Монастириского ЦКД.. Барс потішив нас того року лемківский дитячый вертеп «З Бескыдів ідеме, веселу новину несеме» (кер. Люба Малярска).

Як то было красні! Як милувало ухо лемківскы коляды!! Як тішыло око, кеды маленькы лемчатка вінчували так, як колиси іх прадіды в Бескыдах! Вельке Боже заплат Вам, дороги артисты і керовникы, за такы милы щедры желаня, сьпівы, теплоту ! Знаме кілько труду і сил покладено на підготовку того чудного дійства! А іщи веце дякуєме за то, же шытку коляду ви направили на помоч нашым воякам –краянам. Хор «Яворына» предав 10 тис. грн. Лемківский дитячий вертеп наколядував 7 055 грн. Дороги нашы колядникы, най ПанБіг помножыт вашы щедрост , доброту і воздаст за них Його благостями! А тоты наколядуваны пінязі поможут нашым воякам –монастирыщанам вигнаты москальского дябла з нашой сьватой землі!!

Оставайте жыви і здорови! Трымайме ся купы! Ваш музей.