Яке тото жытя зґеверда́не !!! Душа стрывоже́на, москаль ся всті́кат, погода –то ціла фільозофі́я: то мороз пече, то дойч мря́чыт, то льоды́ско на дорозі запрашат хырбета си кус ля́чы. А сьвітло -то окремий те́мат. Так видає ся, же ми цофа́ме до нашых пракоренів: тіж ся тішы́ме ним,так як нашы дідове, кеди першы лямпо́чкы ся засьвітили в лемківскій хижі. ( хоц так ся цофнеме до своіх витоків).Но-ле так Па́нбіг дає: цінуй тото, же маш тераз, рушай собом(кеди є сьвітло), одпочывай (кеди го неє) і молься завсе ( бо маш за кого і за што). А меджи тима «ціннима» мисьля́ми треба дашто істи. І то треба не вибадувати, а рыхтуваты тото, же ся скоро варит, поживне і нескладне. Наша лемківска кухня была шытка така. Не было часу робітному Лемку вибадувати в ідлі. Іли сьвіже, квашене, на пецу зготова́не ( правдиве ПХ, певні треба Клопотенку рекомендувати преходити на лемківске ідло). Я так плавні превожду вас до нашого темата о лемківскім ідлі «Так робыла моя мама –Лемкыня, так роблю і я».
Гнес мовлю о нашім лемківским «соусі бешамель» ( певні деси французы ся пльонта́ли по Бескы́ду, спрібували го́, привезли домів і назвали го бешамельом). Ех, яке оно пахняче, лискате, масне,смачне!!! Колисы маленьком маска́ла го лем хлібом. Ну, познаєте о чим я гварю? Так –так, то наше лемківске правдиве «шаленство бріха» – МАСТИ́ЛО. Замдзю́рю очы і виджу бабцю Ганю коло пеца, котра чаклує з колото́вцьом коло него. Ех, моі наіми́льшы млади часы!
І ти, дорогий Лемку, спо́мний си тото давнє ідло : просте і смачне. І лет ґу пеца (щесливий, бо го маш) або до чого долетиш і зроб си тото «блюдо лемківских богів»). Нагадую рецепта.
МАСТИЛО
1-2 л. молока
3-4 л. борошна
2 шт. яйця
1 л. масла
спеції (сіль, цукру)
Закип’ятити 1-2 літри молока.
3-4 ложки борошна, 2 яйця розколотити у холодному молоці, влити до гарячого молока, хай покипить, додати 1 ложку масла, сіль.
Можна додати до смаку цукор. Подавали із зажаркою зі шкварками та смаженою цибулею. Їсти з хлібом.
То до кого пры́ти на мастило? Окраєц юж трымам в руках.
Оставайте жыви і здорови.
Трымайме ся купы.
Ваш музей.