Доброводи

З МУЗЕЙНИХ ЕКСПЕДИЦІЙ

Витаме, дороги нашы!Ци сте здрави? Ци ґаздівка ся веде?А ґрулі сте окопали ци юж підгартате?Добрі- добрі знам, же сте ладни ґазды.Жеби ПанБіг дав доброй хвилі – ґруля буде! В Греняків был цєкавий звичай : жебы было вельо ґруль – треба друлити на землю ґаздиню ( жебы і ґруля вродила ся така порядна). Як сте забили того звичая альбо ґаздиня ся прудка стала, то пошу здупцяти самим терез-іщик не пізно).

Знате чом так наголошую на ґрулі, бо пришов час до музейного заголовка «Так робила моя мама – Лемкыня ,так роблю і я». І гнес оповіме вам о лемківских «Дзятках».

Праві гнеска были сме в барс ладной лемківской ґаздині з Доброводів( родичі з Мілика) Марії Маслей.. Лемкыня научала нас і малих діточок варіню того барс смачного ідла. А яка она ладна оповідачка!!!!І сме ся насьміяли, і наіли, і набесідували ся! А наіважнійше, же наши діточкы нам помагали !!!! Так ся зогріли душом в тий хижі, як би сме были коло кабата бабці на кухні в злотім дітиньстві. На бляті сме пекли палята, варили дзятки і тішили ся правдивим лемківским товарыством. Даєме рецепту дзятків од Марії Маслей, а видиво з майстерклясом той лєґуміни можете презерати на віртуальних «Лемківских пацюрках» по Фейсбуку на Русаля.

Презерайте знимкы і одчуйте наше задоволіня, смак і ситист през компутер! Ішли сме од той гостинной ґаздині зо загрітом душом, повнима бріхами і мариндьом. Боже заплат, пані Марисю! Най вам ся веде і прибиват в жытю! Нашу стрічу будеме памнятати довго, бо дали сте нам правдивий позір Лемківской гостинности і ґаздівской вправности!

А тераз цофами шиткы ґу своіх хыж, вариме ґрулі, робиме дзяткы і тішиме ся Лемківским!

Ґу роботі, шувни ґаздині! Неє часу на бесіду!!!

ДЗЯТКЫ

Картопля -1кг,

Мука -100-150 грн,

Манка -200 грн,

масло( бажано домашнє) -200грн,

цибуля -1 шт.,

Сіль( до смаку).

Картоплю відварити( воду не зливати). Додати муку і помішуючи 5 хв. Варити. Потім додати манку . Варити до готовності. Маса має бути густою Трішки охолодити.. Змочивши руки, ліпити малі кульки. Ще теплі ДЗЯДКИ помастити маслом зі смаженою цибулею.

Най вам смакує на здравля!

Хоснуйте си тим рецептом і памнятайте, же тото наідобріше, котре зогріте бабціном руком і притрушене щемнима споминами зо злотого дітинства!

Спрібуй, Лемку, дзяткы,

Будеш в полю хваткий!!!

Оставайте здорови!

Тримайме ся купы!

Ваш музей.