Витам, моі наімильшы! Давно сме ся не чули. Аж ся зоцнуло за вами. Наша Ватра одгоріла юж в тим році, але одголосок ватряной стрічи іщы нам гучыт. Будеме оповідати о ним на нашій сторінці. Окремішно оповіме о нашій монастирискій «Молодій Лемківщині», котра першираз была в орґанізаторах фестивалю і барс красно провадила людей по обрядових стежках нашой новой музейовой фестивальной льокациі «Обрядова Лемківщина». Барз красни і мудры дівочкы !!!! Правдивы лемківскы парадниці!!!

Гнеска оповім о єдній з них –Вікторії Гриняк. Недодавно Віка пришла ґу нам і подарувала до нашой музейовой бібліотекы свою кныжку «Антропологія пам’яті лемків». Написала єй в пам’ят о своіх лемківских коренях,свого покійного діда Ладка Гриняка, котрий помагал єй в написаню книжкы. Тішыме ся, же лемківский темат близкий нашій молодежі,же наш лемківский рід квитне буйним молодим квітьом! Маме вельку надію же колиси покледеме лемківство в іх надійни рукы! Боже заплат ти, шварна Лемкиньо, за чудесний дарунок! Най ся ти веде всяди і во шытким!Най вельо лемківских книжок вийде з-під твого пера во славу нашой Украіни, во славу нашой зеленой Лемківщини!

Оставайте жыви і здорови!

Трымайме ся купы!

Ваш музей.